|
ONLINE VERSION |
|
|
PRINT VERSION |
|
Промовирани проекти за култура и развој
Зацврстување на културниот идентитет
На 30 септември во Детскиот тетарски центар, во Старата скопска чаршија, беа промовирани проектите поддржани од Програмата за култура и развој на Министерството за надворешни работи на Кралството Холандија.
На исклучително добро посетената промоција, за значењето на проектите во развој на мултикултурализмот во Македонија, а дел од нив и за реставрација на Старата скопска чаршија, говореа заменик-министерката за култура, Мелпомени Корнети, и амбасадорката на Кралството Холандија, Фредерике де Ман. Впечатливи миниконцерти одржаа оркестрите “Дархија” и “Пеце Атанасовски”, а на богато украсената театарска сцена беа изложени експонати, како дел од реализираните проекти.
Програмата е фокусирана на две главни полиња за поддршка: народната музика/танц и традиционалните уметности/занаети. Од почетокот на 2004 година се поддржани и се спроведуваат 7 проекти: “Мали традиции, големи вредности” (Центар за современи уметности, Скопје); “Поддршка за заштита на фолклорните вредности на заедниците во регионот на Тетово” (Форум на албанската жена Тетово); “Старите занаети - живи сведоци за традиционалната култура” (Здружение за достоинство на хендикепираните, Штип); “Ревитализација на филигранската традиција” (Помош на занаетчиите, Скопје); “Младите носители на музичкото богатство и усната традиција на Ромите” (РЦЕЦ Дархиа, Скопје); “Развој на наследството на Галичник” (Здружение за културна афирмација на Мијаците”, Скопје); “Жива традиција, поврзување на чалгијата со современата музика” (Оркестар Пеце Атанасовски, Скопје).
Примарните цели на програмата за култура и развој се: зацврстување на културниот идентитет или самосвеста на една нација или група, понатамошно зајакнување на различни структури важни за културниот развој во една држава, како и проширување на културната соработка врз основа на еднаквоста на различните култури.
К.Б.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
