|
ONLINE VERSION |
|
|
PRINT VERSION |
|
ХДЗР “Месечина”, Гостивар
Потпишан меморандум за соработка
На 9 март, оваа година, во Гостивар беше потпишан меморандум за соработка помеѓу ХДЗР „Месечина” и општината Гостивар, Центарот за социјална работа, Фондот за здравствено осигурување, подрачна единица Гостивар и Центарот за вработување Гостивар, за отворање на Ромскиот инфромативен центар, кој финансиски е помогнат од Министерството за труд и социјална политика.
„Хуманитарното добротворно здружение на Ромите ’Месечина’ од Гостивар, во нејзиниот пат досега изгради кредибилитет како во земјата, така и надвор од неа. ’Месечина’ има свои ограноци во Кичево, во Тетово и во Дебар. ’Месечина’ во соработка со шест граѓански организации отвори шест центри во исто толку градови во рамките на програмата ’Граѓанско-советодавни центри’, финансирана од МЦМС и од ФИООМ. Оваа програма ќе продолжи до март 2008 година со средства од ИТЗ. Ромскиот информативен центар е дел од мозаикот ’Граѓанско-советодавни центри’, кој ќе има за цел функционална размена на информации преку граѓанските организации, локалните институции и граѓаните припадници на ромската заедница” рече во поздравниот збор Рамадан Пини, претседател на ХДЗР „Месечина”.
„Гостивар, за разлика од многу други градови, има хетерогена структура од националности. Денес чувствувам големо задоволство, бидејќи најголем дел од мојата младост сум ја поминал со Роми. Отворањето на Ромскиот информативен центар што го прави ’Месечина’ е голема работа. Во рамките на општината Гостивар функционира Центарот за информирање на граѓаните. Верувам дека и Ромскиот информативен центар ќе им послужи и на другите заедници кои живеат во Гостивар.” изјави градоначалникот на Гостивар, Невзат Бејта.
Мабера Камбери, од Министерството за труд и социјална политика, кажа дека во иднина ќе се отворат осум информативни центри во градовите со поголема концентрација на ромско население.
Г. Шабани
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
