|
ONLINE VERSION |
|
|
PRINT VERSION |
|
| Младинска програма за иновативна соработка
Проекти за обука и информирање
Младинска програма за иновативна соработка, проекти за обука и информирање, за којашто крајниот рок за аплицирањење е 15.04.2006 г. има за цел да им овозможи на младите луѓе да се стекнат со знаење, вештини и компетенции коишто можеби ќе станат една од основите на нивниот иден развој, како и да го увежбаат одговорното граѓанство со цел да станат активен дел од општеството. Со нејзиното реализирање се поддржуваат иновативни проекти за соработка, обука и информирање на полето на неформалното образование. Правните тела, како што се невладините младински организации, како и локалните или регионалните власти, здружени во т.н. „програмски земји”, можат да аплицираат за учество како партнери во контекст на овој повик.
Проектите треба да вклучуваат партнерски организации од најмалку четири различни земји (вклучително земјата којашто аплицира), од кои една мора да биде членка на ЕУ. Програмски земји се 25-те земји-членки на Европската Унија, трите земји од ЕЕА/ЕФТА (Исланд, Лихтенштајн и Норвешка) и земјите кандидатки - Бугарија, Романија и Турција. Вкупната сума наменета за кофинансирање на проектите од овој повик изнесува 2 милиони евра. Максималните средства за еден проект не надминуваат 100 илјади евра годишно (12 месеци), а максималниот грант не надминува 300 илјади евра. Проектите мораат да траат најмалку 18 месеци, а доколку е оправдано, максималното времетраење на проектот може да се продолжи до 36 месеци. Активностите ќе започнат помеѓу 1 јануари 2007 година и 28 февруари 2007 година.
Повеќе информации на електронската адреса ѕоутхЏЛЖцец.еу.инт; или на веб-страницата http://europa.eu.int/comm/youth/program/guide/action5_en.html |
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
