|
ONLINE VERSION |
|
|
PRINT VERSION |
|
ДВИЖЕЊЕ НА ЕКОЛОГИСТИТЕ НА МАКЕДОНИЈА
Нема “гнили јаболка” оваа година
Движењето на екологистите на Македонија традиционалното “Зелено јаболко” за 2005 година му го додели на Латиф Беаз, сопственик на компанијата “Еко-Ерол” од Велес. Јавни благодарници им беа доделени на Даниела Каневче, новинар во Македонското радио, на весникот Време и на Цане Стојковски.
Оваа година изостанаа, исто така традиционалните, гнило јаболко и јавна критика, кои вообичаено им се доделуваа на оние кои придонеле за загадување на животната средина. За овој “необичен” гест претставниците на ДЕМ велат дека така одлучило Собранието на организацијата.
“Кандидати имаше”, велат тие, “ама никој посебно не се истакнуваше, па Собранието реши да не го додели ‘Гнилото јаболко’ оваа година”. Имајќи предвид дека ова признание со текот на годините стекна одредено влијание во јавноста, останува нејасно зошто Движењето на екологистите не го употреби признанието како механизам со којшто барем јавно ќе ги искритикува “многуте кандидати”.
Добитникот на “Зеленото јаболко” беше награден поради започнувањето на процесот на рециклирање на пластиката во Македонија. Пластиката с$ уште не се преработува во Македонија, но таа се извезува во Турција каде што се користи во текстилната индустрија. “Собирањето на пластичниот отпад може да биде добар извор за егзистенција за семејствата и за граѓанските организации”, сметаат во “Еко-Ерол”. Практично, едно семејство од Штип месечно собира и продава 30-35 тони пластичен отпад и заработува од 240.000 до 280.000 МКД. Во Македонија годишно се продуцираат од 6.000 до 10.000 тони пластичен отпад или тоа е околу 1.300.000 евра. На прес-конференцијата беше презентиран пронајдокот на Мирко Узелац за минимизирање на пластичните шишиња како и екоконтејнерот што ќе служи за собирање на пластичниот отпад. Прототипот на екоконтејнерот се очекува да биде готов до 15 април кога ќе се тестира неговата употреба.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
