|
ONLINE VERSION |
|
|
PRINT VERSION |
|
Актив на жените пензионерки од Пробиштип
Предизвиците на третото животно доба
Активот на жените пензионерки при Здружението на пензионери на општината Пробиштип е основан во 2003 година. Оттогаш овој актив успева да им понуди на своите членки интересни содржини со што се повеќе и повеќе го привлекува нивното внимание и членство. “Третото животно доба може исто така да биде интересно и убаво”, вели претседателката на активот Љубица Јаковлеска, “ако заврши нашиот работен век не заврши и нашиот животен век”, вели таа. “И во овој период од животот може многу да се види и да се научи, а ние се обидуваме тоа да го направиме заедно, организирано, преку нашиот Актив”, додава Јаковлеска.
Преку своите активности, Активот на жени пензионерки се обидува да ги обележи значајните датуми. Неодамна заврши наградниот ликовен конкурс што по повод 8-ми Март беше распишан за учениците од основните училишта “Никола Карев” и “Браќа Миладиновци”, а за празникот беше организирана и посета на споменикот на Нада Михајлова и забава за пензионерките. Настаните што ги организира Активот често имаат и хуманитарна компонента како “Василичарскиот коктел”, кога собраните средства беа наменети за помош за лекување на еден нивни сограѓанин. Сакајќи да им излезе во пресрет на своите членки Активот организира и предавања како што се: “Климатските фактори и нивните влијанија врз здравјето на луѓето од трето доба”, “Исхрана на луѓето во трето доба” и “Стресовите на нивното влијание врз здравјето на луѓето во трето доба”. Екскурзиите се составен дел на програмата на Активот. Минатата година 52 жени ги посетија: црквата “Св. Троица” во Радовиш, манастирите во Водоча и Вељуса, Смоларските водопади и градот Струмица. Оваа година се планира уште една екскурзија за членките на Активот.
“Нашите членки се задоволни од она што Активот го организира за нив. Бројот на оние што ни се придружуваат во активностите е се поголем. Тоа е добро, затоа што сме успеале да го разбудиме активизмот во нив и да им го направиме животот поинтересен. Се разбира дека ќе продолжиме во таа насока, нашето животно доба носи уште многу нови предизвици за нас и ние ќе се обидеме да одговориме на нив”, вели Љубица Јаковлеска.
|
|
|
|
 Крај на почетокотТоа што треба да го изнесам во овој простор, не е вообичаениот став , туку коментар за последниот број на „Граѓански свет” во оваа форма.
|  |
Кампањата “Учиме за ЕУ”
Прашањето за уставното име на Македонија го засени интересот за УнијатаШто е Европска Унија? Кои се земјите членки на ЕУ? Која е целта на проширувањето на ЕУ? Кои се симболите и химната на ЕУ? Зошто е создадена Европската Унија? Ова се некои од прашањата кои им се поставуваат на основците и средношколците од 102 училишта во земјава, како дел од кампањата “Учиме за ЕУ”, којашто ја реализираат Секретаријатот за европски прашања во Владата и Министерството за образование и наука. | |
Реализирана најголемата еколошка акција кај нас
Македонија засади над два милиони саднициНад 2 милиони садници засадени во еден ден е апсолутниот рекорд кој го постигнаа граѓаните на Македонија на 12 март, Денот на дрвото. Во граѓанската акција “Ден на дрвото - засади ја својата иднина” учествува околу 200.000 граѓани, вклучувајќи ги и децата од градинките, учениците, студентите и дипломатите. Граѓанската акција за пошумување на Македонија од самиот почеток ја иницира еден од нашите најпознати уметници, оперскиот пејач Борис Трајанов, а вклучени беа и близу 170 познати имиња од јавниот живот, меѓу кои и Калиопи, Каролина Гочева, Индира Кастратовиќ, Бубо Каров и други. | |
Катерина Хаџи-Мицева
Кодекси на добро однесувањеКодексот на добро однесување се дефинира[1] како доброволен договор помеѓу неколку организации со заеднички интерес, за одредени принципи или стандарди на однесување, коишто даваат насоки, или пак се обврзувачки за организациите, развиен преку заедничко учество и соработка во донесувањето. Бидејќи кодексот е механизам кој се донесува доброволно и е вид на саморегулирање, начинот на неговото спроведување мора однапред да биде одреден и механизмите треба да бидат вградени во кодексот | |
Граѓанска организација Англунипе - Тетово
Факултативната настава на ромски јазик - препознатлива активностГраѓанската организација „Англунипе” од Тетово дејствува во областа на развојот на образованието на ромската популација и на човековите и материјалните ресурси на Ромите во земјава. Се залага за вклучување на Ромите во институциите на системот, за надминување на проблемите на заедницата на локално и на национално ниво. Освен програми за образование, спроведува и програми за развој на економските ресурси и за унапредување на правата на децата Роми и на жената Ромка | |
Донација
Нов парк од Космофон за штитениците на заводот во Демир КапијаСпецијалниот завод за лицата со посебни потреби во Демир Капија доби нов спортско-рекреативен парк, донација од компанијата Космофон. Паркот е изграден во дворот на заводот на површина од 280 метри квадратни. Неговите штитеници ќе можат да се рекреираат на игралишта за ракомет и мал фудбал, во посебниот дел со нишалки, патеки од павер-елементи и фонтана, а целата околина е засадена со зеленило | |
Проект на Биосфера од Битола
Уреден дворот на Домот за доенчиња и мали децаВо изминатите седум месеци Центарот за едукација и заштита на животната средина и природата Биосфера од Битола работи на проектот “Со љубов за нашите деца”, чија цел е прибирање средства од локални извори за просторно уредување на дворот на Домот за доенчиња и мали деца во Битола | |
|
|
