Новина од Комунална хигиена
Организирано собирање санитетски отпадоци
Комунална хигиена почна организирано да го собира медицинскиот отпад од приватните организации, и од почетокот на годинава петнаесетина приватни ординации и аптеки почнаа да ги користат нејзините услуги. Комуналните екипи го собираат, транспортираат и согоруваат медицинскиот отпад на депонијата Дрисла. За килограм подигнат отпад приватниците плаќаат по 385 денари.
Корисниците на услугата добиваат сигурносни медицински кутии, каде може да се складира отпад до пет килограми. Тие се произведуваат и празнат од страна на Комунална хигиена, при што за празнењето се користат специјални возила.
Д.М.
|