ИСТРАЖУВАЊЕ И ОБРАЗОВАНИЕ
Европската истражувачка мрежа се шири на Балканот
Проектот на Мрежата за истражување и образование на југоисточна Европа (СЕЕРЕН) го заврши проширувањето на Паневропската брза истражувачка мрежа ГЕАНТ на балканските земји.
„Новата мрежа ќе го подобри интернет-пристапот на истражувачите што е витално за овозможување целосна партиципација и интеграција на балканската истражувачка заедница во Европската истражувачка област“, нагласи Ерки Ликанен, специјалниот европски пратеник за претпријатија и информациско општество на отворањето на мрежата во Солун на 3 јануари 2004.
ГЕАНТ обезбедува висококапацитетен интернет „bekboun“ којшто ги поврзува националната и регионалната мрежа за истражување и образование во различни земји. Исто така, им овозможува на научниците да соработуваат на меѓународната сцена и да имаат пристап до квалитетот на услугите кој се бара најголемиот број истражувачки и развојни активности. Со имплементацијата на проектот СЕЕРЕН, ГЕАНТ ќе обезбеди повеќе од само технички добра поврзаност. Неговата крајна цел е да го намали „дигиталниот јаз“ кој сe уште постои помеѓу регионот од другиот дел на континентот. За оваа цел, проектот активно ги охрабрува научните и образовните заедници од земјите-членки на ЕУ да соработуваат со земијте од југоисточна Европа.
Т.Х.
|