ЈУБИЛЕЈ НА ДВА МЕДИУМИ

Народна волја и Македонска информативна агенција – МИА

Медиумите секаде се сметаат за значаен сегмент на гра­ѓан­ското општество, а историјатот на нивното рабо­те­ње се поврзува и со историјатот на овој сектор. Таков е примерот со два медиуми, кои деновиве прославуваат свој јубилеј.

Пред 25 години, во Сиднеј, Австралија, почна да излегува вес­ни­кот на Македонците од Пиринска Македонија – “Народна волја”. По временото селење на редакцијата во Лондон, Вели­ка Британија, тој од 1992 г. конечно се устоличува во Благоевград, Бугарија. Весникот излегува еднаш во месецот, а ги пренесува активностите и проблемите од интерес на македонското малцинство во Република Бугарија.

Македонската информативна агенција – МИА, како јавен информативен сервис создаден во самостојна Македонија, почна да работи во 1998 година, дури шест години по денот кога Со­бра­нието на Република Македонија донесе одлука да биде формирана. Агенцијата е формирана со одлука на Владата на Република Македонија, за да биде дистрибутер на објективни, точни и навремени  информации во јавноста. 
                                                                                             
М.И.