Во организација на Мултимедија

“Децентрализација на културатра и локална културна  политика”

Центарот за изведувачки уметности Мул­тимедија од Скопје од 12 до 14 декември во Охрид, во рамките на проек­тот ,,Зајакнување на локалните кул­тур­ни институции во Р Македонија”, ќе ја одржи првата од двете работилници на тема: “Децентрализација на кул­ту­ра­та и локална културна политика”. Проектот претставува внимателно ди­зај­ни­рана тренинг-програма за ди­рект­ните учесници во процесот на де­централизација на културните ин­сти­ту­ции во Република Македонија, фи­нан­сиски поддржан од Мини­стер­ство­то за култура, од Европската културна фондација и од Канцеларијата за од­но­си со јавноста при Американската ам­басада во Скопје.

Целна група на обуката се гра­до­на­чал­ници, советници во локалната вла­ст, директори, вработени во локалните културни институции и локалните гра­ѓан­ски организации (ГО), на кои треба да им бидат понудени информации за процесот на децентрализација, ка­ко и нови и современи модели на од­лучување, планирање, организирање, управување, прибирање финансиски средства и работа. Обуката треба да придонесе за зголемена независност, одржливост и пред сe успешна тран­зи­ци­ја од централно кон локално ниво и креирање и спроведување културна политика во македонските локални заедници.  

 “Многу важен дел од проектот За­ја­к­ну­вање на локалните културни ин­сти­ту­ции во Р Македонија е и делот на соз­давањето на локалните културни по­литики во чиј процес ќе бидат вклу­че­ни: опшините, културните институции и локалните ГО. Вреди да се спо­ме­не и создавањето на мрежата на кул­турни институции преку којашто ќе ги споделат знаењата и искуставта преку взаемна поддршка и соработка. И, последно, но не и помалку важно, е создавање амбиент за подобар живот на граѓаните” - потенцираат членовите на Мултимедија.            

К.Б.