ПРОТЕСТ НА Х.Е.Р.А Осудено информирањето за смртта на ХИВ-позитивен пациент Начинот на објавување на информацијата за смртта на странски државјанин кој почина на Клиниката за инфективни болести во Скопје предизвика остра реакција од  Асоцијацијата за здрав­ствена едукација и истра­жување - Х.Е.Р.А. Протестот  е инициран од пове­ќе причини, а е најавена и соодветна пра­на процедура до Јавниот правобранител на Македонија. Иниција­тивата на Х.Е.Р.А. ја поддржаа 25 невладини организации. “Идеата ни е јавноста, особено медиумите, да разберат дека треба да се биде многу внимателен кога се информира за специфични случаи. Работите не треба да се подигнуваат на сенза­ционалистичко ниво, треба да се внимава кои информации можат да се објават и како се објавуваат, да се информира за основните начини на пренос на ХИВ СИДА и за Законот за заштита на личните податоци.  Тука имаше случај на откривање лекарска тајна, којашто стои на секоја Херакли­това заклетва. Со откривањето на името на пациентот, на неговата болест, на резултатите од тестирањето, откри­вањето на податоците од неговиот личен живот, не се постигнува никаков ефект во однос на заштитата на населението во Македонија”. – изјави Драшко Костовски од Х.Е.Р.А.